Unha muller precisou asistencia médica no Barco ao resultar ferida por mor dunha explosión ocorrida na cociña da súa vivenda. Segundo os datos facilitados ao 112 Galicia, todo apunta a que unha avaría na cociña produciu o estalo dunha bombona, sen que se chegase a producir un incendio, o que provocou danos na estancia da casa.
Sucedeu na Rúa de Capilla, preto das 13:35 horas.
Nada máis recibir a alerta do ocorrido a través de Urxencias Sanitarias de Galicia-061, os xestores do CIAE 112 Galicia pasaron o aviso aos Bombeiros e GES de Valdeorras, á Policía Local, á Garda Civil e á empresa subministradora do gas.
Segundo puido saber o 112 Galicia, a muller foi trasladada ao hospital do Barco de Valdeorras.