Unha paciente do Complexo Hospitalario Universitario de Ourense resultou gravemente ferida con queimaduras ao rexistrarse un conato de incendio, presuntamente prendido por ela, que foi rapidamente sufocado, informaron fontes do centro médico.
O incendio produciuse na unha habitación da zona de psiquiatría na primeira planta do novo edificio do citado centro médico.
A paciente e suposta autora do incendio sufriu queimaduras de prognóstico grave mentres que catro traballadores da unidade que procederon a controlar o incendio -un celador e tres auxiliares de enfermería- foron atendidos no servizo de urxencias por leve exposición ao fume.
Segundo fontes hospitalarias, como consecuencia do incendio, o centro activou un protocolo de autoprotección e urxencias que obrigou a recolocar por precaución aos dezanove pacientes ingresados nesa unidade.
O protocolo esixe proceder a labores de limpeza e ventilación da zona, que será de novo operativa durante a xornada. Os investigadores sospeitan de que a paciente intentou prender lume no colchón da súa cama cun chisqueiro.
