Un condutor resultou ferido este xoves tras envorcar o seu coche e caer á rampla dun aparcadoiro na rúa Lepanto de Vigo, informaron fontes do 112 Galicia.
A pesar do aparatoso do accidente, o condutor puido saír do vehículo, polo que non foi preciso o uso de material de excarceración.
Sobre as 7.45 horas, un particular chamou ao centro de atención das urxencias de Galicia para informar de que un coche envorcara e fora a parar á rampla dun aparcadoiro subterráneo.
