Unha pedida de man dunha moza do clan xitano dos zamoranos acabou cun tiroteo nun pavillón multiusos do Porriño e con dous feridos de bala, un deles menor.
Os feitos sucederon este domingo de madrugada. Ambos foron trasladados a hospitais vigueses.
No festexo había uns 60 invitados e, segundo as primeiras versións, varias persoas chegaron en coche ao lugar, entraron no local e dispararon uns 15 tiros. Unha moza de 15 anos sufriu feridas na cara e un mozo foi alcanzado no peito.
A Garda Civil abriu unha investigación. As primeiras hipóteses apuntan a un enfrontamento entre o clan dos morones e o dos zamoranos.