Tres persoas, entre elas un bebé, resultaron feridas na madrugada deste venres en Mos tras saírse de vía o coche no que viaxaban na A-55, sentido O Porriño, segundo informou o 112 Galicia.
O accidente sucedeu pasados uns minutos das 00:00 horas e foron os mesmos implicados os que chamaron o 112 Galicia para pedir axuda. Os tres foron evacuados polo persoal sanitario ao Hospital Álvaro Cunqueiro de Vigo.
Desde o 112 Galicia informaron ao 061-Urxencias Sanitarias, aos axentes de tráfico e da Policía Local, aos Bombeiros do Porriño, e aos efectivos de Protección Civil de Mos.
