Dous homes resultaron feridos de carácter grave tras chocar dous turismos na mañá deste venres en Moeche (A Coruña), informaron fontes policiais a Efe.
Os afectados responden as iniciais J. C. V., de 61 anos, e J. F. R., de 48 anos. Ambos foron trasladados ao Complexo Hospitalario Universitario de Ferrol por parte de persoal médico en senllos vehículos sanitarios.
O incidente sobreveu esta mañá na estrada DP-4907 ao seu paso pola zona de San Xurxo.
Xunto aos citados feridos, tamén tivo que ser atendida por lesións de carácter leve unha muller, L.J.L.H., de 55 anos, parella do ferido grave de maior idade, residentes ambos no municipio de San Sadurniño.
