O luns espérase unha influencia anticiclónica transitoria, aínda que xa pola noite achegarase unha nova fronte desde o noroeste.
Desta forma, haberá bancos de néboa matinais, que darán paso a ceos con intervalos nubrados, con máis claros pola tarde e algún chuvasco ocasional no litoral norte durante a mañá.
A cota de neve estará situada ao redor dos 900 metros, e as temperaturas non experimentarán cambios significativos.
Os ventos soprarán de compoñente norte con escasa intensidade.
Lugo 2° 9° Ourense 2° 12°
Pontevedra 5° 12° Santiago 6° 11°
Vigo 4° 13°
MARTES. A fronte activa pasará sobre Galicia durante as primeiras horas achegando inestabilidade e arrastrando aire frío procedente do Atlántico norte. Deste xeito os ceos estarán cubertos, con choiva persistente ao principio do día, máis intermitente o resto da xornada.
A cota de neve irá descendendo durante a mañá ata quedar nos 1100-1200 metros pola tarde. As temperaturas mínimas ascenderán lixeiramente, mentres que as máximas non terán cambios significativos. Os ventos soprarán do noroeste, fortes no litoral e zonas altas e con menor intensidade noutros puntos do interior.
