A Fundación Nacional Francisco Franco dirixiu un escrito ao Concello de Ferrol no que pide acudirse como parte interesada en todas as actuacións que poida adoptar o consistorio relacionadas co ditador.
O obxectivo do escrito —que asina o presidente da Fundación Nacional Francisco Franco, Juan Chicharro— é que se lle dea vista do actuado, se lle comuniquen as incidencias que en diante se produzan, se lle dea audiencia antes de ditarse a resolución e se lle notifique esta".
Chicharro recorda no seu escrito que, o pasado 30 de xullo, o pleno do Concello de Ferrol aprobou unha moción do BNG pola cal o consistorio mostra o seu rexeitamento a un posible traslado dos restos do ditador á súa cidade natal tras a anunciada exhumación do seu emprazamento actual, o Val dos Caídos.
A iniciativa reclamaba así mesmo a expropiación do nicho propiedade da familia Franco, entregado como obsequio polo Concello ferrolán en 1967 ao ser o entón xefe do Estado fillo ilustrísimo da localidade.