Sanidade notificou este mércores 15 falecementos de persoas diagnosticadas por coronavirus, a mesma cifra que o martes .
Na área de A Coruña perderon a vida dous homes de 78 e 88 anos que estaban ingresados no Chuac. Na de Ferrol, as vítimas son un home de 84 anos que estaba no CHU, outro de 96 que faleceu no seu domiclio e unha muller de 90 anos usuaria da residencia Nosa Señora dás Virtudes de Pontedeume.
Na área de Santiago notificáronse catro mortes: un home de 86 anos ingresado no Hospital A Rosaleda e que procedía da residencia Santa Olalla de Boqueixón; unha muller de 96 falecida no seu domicilio; e un home de 87 anos e unha muller de 105 que estaban no Chus e que procedían, ambos, da residencia Santa Olalla de Boqueixón.
En Vigo perderon a vida un home de 91 anos no Hospital Vithas Fátima; e no Chuvi, outro home de 69 anos e unha muller de 92 anos procedente da residencia de Salvaterra de Miño.
Finalmente, na de Ourense foron tres os decesos: dous no CHUO (unha muller de 99 anos usuaria da Residencia A Saleta de San Cristobo de Cea e outra muller de 88 anos) e un home de 94 anos que morreu no seu domicilio en Boborás. Os 15 presentaban patoloxías previas.
Con estes 15 falecidos, todos eles con patoloxías previas, Galicia rexistra este mércores un total de 1.039 vítimas mortais por covid-19 desde que comezou a pandemia.
