Os españois pasan ao volante 51 minutos ao día de media, o que supón case seis horas á semana ou trece días ao ano, segundo un estudo realizado por DriveSmart, que tamén indica que Galicia se atopa entre as comunidades onde menos se conduce pola noite.
Por meses, o estudo revela que decembro é o mes no que máis se conduce, cunha media de 66 minutos diarios, seguido de abril (57 minutos/día) e marzo e xullo (55 minutos).
Pola contra, os meses nos que os españois pasan menos tempo no coche é en novembro (42 minutos/día) e xaneiro, cunha media de 43 minutos diarios ao volante.
Dos 51 minutos diarios que os españois pasan ao volante, 36 teñen lugar durante o (entre as 6.00 horas e as 22.00 horas), mentres que os 15 minutos restantes transcorren durante a noite (entre as 22.00 horas e as 6.00 horas).
O mes no que máis aumenta a condución nocturna, segundo a análise, é en decembro, que ascende ata 38 minutos o tempo ao volante de noite, máis do dobre da media anual. Tamén, por encima da media anual, prodúcese unha maior condución nocturna nos meses de febreiro (20 minutos), xaneiro (17 minutos) e novembro e marzo, con 16 e 15 minutos diarios, respectivamente.
O estudo destaca que Soria, con máis de dúas horas, concretamente 137 minutos de media de condución diaria, é a provincia na que máis tempo pasan os condutores ao volante
Respecto das comunidades autónomas, Aragón, cunha media de 77 minutos diarios, é na que os condutores pasan máis tempo no coche, seguido da Rioxa (con 68 minutos/día) e Castela e León (con 66), por encima da media española. No lado oposto sitúanse os asturianos, que cunha media de 23 minutos ao día son os condutores que menos tempo pasan ao volante (menos da metade do tempo da media española ao volante).
En referencia á condución nocturna (entre as 22.00 horas e as 6.00 horas), Aragón é, con 56 minutos de media diaria, a comunidade na que máis tempo se pasa ao volante pola noite. Séguenlle A Rioxa (con 52 minutos), Castela e León (49 minutos) e Castela A Mancha (47 minutos).
Pola contra, as comunidades nas que menos se conduce pola noite, moi por baixo da media nacional (de 15 minutos diarios) son as de Asturias e Murcia, con 5 minutos/día, seguidas de Cantabria, Baleares e Galicia, con 7 minutos/día.
Ademais, o estudo destaca que Soria, con máis de dúas horas, concretamente 137 minutos de media de condución diaria, é a provincia na que máis tempo pasan os condutores ao volante. Séguenlle, superando a hora e media de condución diaria, as provincias de Teruel, Cuenca e Zamora, con 103, 98 e 97 minutos, respectivamente.
No extremo oposto, encabezan a lista das provincias que menos tempo pasan ao volante, A Coruña, con 21 minutos; e Asturias, con 23. Séguenlles Alacante, As Palmas e Pontevedra con 24 e Baleares e Murcia con 26.
