Galicia encara o novo alivio de restricións con 2.400 casos activos

Galicia encara o novo alivio das restricións fronte ao covid-19 –que desde este sábado inclúen reunións de seis persoas en interior e 10 en exterior, así como aumento de aforamentos– con 2.400 casos activos –unha vintena menos– e a presión hospitalaria en descenso con 121 pacientes ingresados, tres menos.

Segundo os datos actualizados na mañá deste venres pola Consellería de Sanidade con rexistros ata as 18,00 horas deste xoves, recollidos por Europa Press, seguen 28 pacientes ingresados en Uci na comunidade galega e descenden a 93 os doutras unidades –tres menos–. 

Por áreas sanitarias, a presión hospitalaria descende nas áreas de Ferrol, Ourense e Pontevedra e O Salnés; aumenta lixeiramente nas de Santiago e Barbanza e Vigo; e mantense nas de A Coruña e Cee e Lugo. 

Os casos activos de covid-19 no conxunto de Galicia seguen coa tendencia descendente por sexta xornada consecutiva ao caer a 2.400, vinte menos que a xornada anterior, ao rexistrarse máis altas (163) que contaxios (143) e non haber falecidos. Deste xeito, mantéñense en valores da segunda quincena de agosto do ano pasado. 

Por áreas sanitarias, as infeccións activas descenden nas de Pontevedra e O Salnés (-19), A Coruña e Cee (-15) e Vigo (-10); mentres que soben nas de Lugo (+11), Ourense (+5), Ferrol (+5) e Santiago e Barbanza (+3). 

Deste xeito, a de Vigo continúa á cabeza con 712 casos activos; seguida da Coruña e Cee, con 446; Santiago e Barbanza, con 442; Lugo, con 233; Pontevedra e O Salnés, con 291; Ourense, con 196; e Ferrol segue á cola con 80.

MÁIS CONTAXIOS. Pola súa banda, os novos contaxios detectados por calquera tipo de proba han repuntado lixeiramente a 143 tras manterse en 130 nas dúas últimas xornadas, logo de descender aos 89 este martes e situarse por baixo do centenar, e arrincar esta semana con 123. 

Do conxunto de positivos 145 foron confirmados por PCR nas últimas 24 horas –supoñen 19 máis–, dos que 44 corresponden á área de Vigo; 29, á de Santiago e Barbanza; 21, á de Lugo; 17, á de Ourense; 12, a Pontevedra e O Salnés; outros 12 á da Coruña e Cee; e 10, á de Ferrol. 

Pola súa banda, a taxa de positividade mantense por baixo do 2% desde o inicio desta semana ao ascender moi lixeiramente ao 1,71 por cento, logo de situarse no 1,67% a xornada pasada e nun 1,65% o día anterior, tras reducirse a un 1,26% no inicio da semana Así, segue por baixo do 5% que a Organización Mundial da Saúde (OMS) fixa para dar por controlada esta pandemia. A última vez que Galicia excedeu esta barreira foi o 15 de febreiro.

As persoas falecidas diagnosticadas con covid-19 desde o inicio da pandemia mantéñense en 2.415 no conxunto de Galicia ao non notificar a Consellería de Sanidade este xoves novas vítimas. asada.