Galicia amencerá este xoves con intervalos de nubes baixas, máis abundantes nas provincias da Coruña e Lugo, pero co avance da xornada os ceos quedarán despexados en xeral, con alternancia de nubes e claros no litoral norte. As temperaturas ascenderán lixeiramente, de maneira que se alcanzarán os 36 graos en Ourense e os 29 graos en cidades como Lugo ou Pontevedra.
Nunha xornada en que gran parte do territorio español alcanzará ou superará os 40 graos —os termómetros sufrirán especialmente no Pirineo de Lleida e a Ribeira de Ebro en Zaragoza, onde as autoridades activaron as alertas de risco "extremo"—, Galicia, e en xeral o Cantábrico, esquivarán a onda de calor sufocante, pero poderán gozar do bo tempo. Así, unha vez superadas as nubes matutinas, o sol brillará en practicamente toda a comunidade galega durante a tarde.
Unha onda de calor sufocante abrasa España: máis de 44 graos de día e 25 de noite
As altas temperaturas continuarán o venres. Na Boa Vila estímase que se chegará aos 28 graos, mentres que en Lugo alcanzaranse os 32 e en Ourense se nbsp;rozarán&os 40 graos.
ESPAÑA. E é que a onda de calor que desde este mércores afecta a case toda España terá o seu punto máis álxido entre o venres e o domingo próximos, cando se poderían superar os 44 graos de día e os 25 de noite nalgunhas zonas e dispararse o risco de incendio e os índices de radiación ultravioleta. Por iso, o presidente do Goberno, Pedro Sánchez, pediu este mércores en Canarias a "máxima prudencia e toda a colaboración" ante o risco de que se produzan incendios durante a onda de calor na que España está inmersa estes días.
