A comunidade galega amenceu este xoves a temperaturas baixo cero, excepto nalgunhas localidades costeiras. Outras, como Foz, A Lanzada ou Boiro se rexistraron temperaturas de menos de 0º.
Durante esta xornada a neve cederá o protagonismo, que ocupou durante os últimos días, ao xeo e ao frío. Por iso, haberá que manterse a alerta durante as nosas viaxes por estrada polo risco que supón circular con estas fortes xeadas.
Bos días! Comezamos con temperaturas en negativo xeneralizadas. Como se pode ver neste mapa de mínimas, o valor máis baixo foi en Cabeza de Manzaneda, con -10ºC e destacan os 0ºC rexistrados en moitos puntos do litoral, como en Foz, A Lanzada ou Boiro. pic.twitter.com/xBPNawNgq7
— MeteoGalicia (@MeteoGalicia) 08 febreiro 2018
A mínima a nivel galego anotouse no municipio de Manzaneda, con -10º. Segundo informa Meteogalicia, os valores mínimos corresponderon ás localidades ourensás da Veiga (-9,6ºC) e Carballeda de Valdeorras (-9,5ºC) e á lucense de Pedrafita do Cebreiro (-7,3ºC).
En canto ás localidades con altitude menor de 900 metros, a mínima correspondeu a Calvos de Randín (Ourense), con -9,3ºC. O resto de mínimas rexistráronse en localidades da mesma provincia como Baltar (-7,1ºC), Verín (-7ºC), Viana do Bolo (-5,4ºC) e Xinzo de Limia (-5,4ºC).
Con respecto ao resto do día, espérase unha xornada de transición con aumento da nebulosidade cara á noite e temperaturas suaves. A fin de semana preséntase gris coa chegada das choivas.