miércoles. 23.09.2020 |
El tiempo
miércoles. 23.09.2020
El tiempo

Galicia pecha 2019 cun récord absoluto de pernoctacións ao alcanzar os 11 millóns

Feijóo, na rolda de prensa posterior ao Consello da Xunta. EP
Feijóo, na rolda de prensa posterior ao Consello da Xunta. EP
O Consello da Xunta deu luz verde á lei de impulso demográfico

Galicia pechou o ano 2019 cun récord absoluto de pernoctacións ao contabilizar 11 millóns, por encima da que ata agora era a súa marca: 10,6. Avanzouno Alberto Nuñez Feijoo tras a reunión do Consello, na que se analizaron os datos turísticos do ano pasado unha vez pechadas as cifras oficiais de decembro. Así, o presidente da Xunta celebrou o bo comportamento do turismo, ata o punto de que Galicia foi o territorio onde máis creceu, un 6%, fronte á media do 1% do conxunto do Estado.

Tamén se bateu un récord en canto ao número de turistas estranxeiros, mentres que o cómputo global de visitantes situouse en 5,1 millóns, cifra moi similar á de 2017, que marca o teito galego á espera do Xacobeo 2021.

Ademais, a reunión semanal do executivo deu luz verde á lei de impulso demográfico, a primeira de España e que inicia así o seu trámite parlamentario. Trátase do proxecto legal máis ambicioso da lexislatura e inclúe un paquete de medidas de axudas á natalidade e a conciliación, rebaixas fiscais ou a gratuidade das garderías a partir do segundo fillo, entre moitas outras. “Esta lei e mais necesaria que nunca”, dixo Feijóo.

O Consello licitou ademais o último paquete de contratos de transporte por estrada, que completarán definitivamente o mapa de autobús en Galicia. Son 237 millóns para os próximos dez anos e inclúen máis de 1.200 liñas en toda Galicia.

E aprobou unha liña de axudas de 16 millóns de euros para que os concellos contraten a 1.800 parados.

Galicia pecha 2019 cun récord absoluto de pernoctacións ao alcanzar...
comentarios