jueves. 22.10.2020 |
El tiempo
jueves. 22.10.2020
El tiempo

Galicia rexistra 228 novos positivos, pero descende o total de casos activos

Xente formando cola para facerse as probas PCR xunto á nova caseta do Provincial. de Pontevedra GONZALO GARCÍA
Xente formando cola para facerse as probas PCR xunto á nova caseta do Provincial. de Pontevedra GONZALO GARCÍA
O número de persoas falecidas sitúase en 729

Galicia rexistra este domingo 4.432 casos activos de covid-19, dezasete menos que o sábado, aínda que nas últimas 24 horas notificáronse 228 novos positivos, segundo os últimos datos facilitados polo Sergas. O número de persoas falecidas sitúase en 729, dúas máis, tras a morte de dúas mulleres de 92 e 85 anos nun hospital de Lugo na tarde deste sábado. 

Estas mulleres estiveran na residencia de Outeiro de Rei, que a principios de mes foi intervida pola Xunta tras rexistrarse un brote con máis de cen casos.

As persoas hospitalizadas en UCI descenden en dúas, ata as 33; mentres que nas unidades convencionais hai 198 persoas ingresadas, tres menos que o sábado. 

POR ÁREAS SANITARIAS. A máis afectada sigue sendo A Coruña, con 1.046, e cun novo descenso de 31 casos. Tamén descenden os casos en Lugo (-53), ata os 589 positivos e en Ferrol (-10), ata os 154. Aumentan, con todo, en Pontevedra (16), que suma deste xeito 826 casos; en Ourense (39), que suma 728 positivos e en Santiago (22), ata os 577 

A área de Vigo non rexistra variacións nas últimas vinte e catro horas e mantense nos 512 casos positivos. 
Segundo a Consellería de Sanidade nas últimas horas realizáronse 6.107 PCR e curáronse 245 persoas, ata as 18.316 desde o inicio da pandemia.

RESIDENCIAS. Nas residencias de maiores hai en total un caso activo menos, tras descender en dous o número de residentes afectados, ata os 342, e sumar un positivo os traballadores, que suman 139 contagios. 

COLEXIOS. Nos colexios e escolas infantís, ao ser domingo non hai novos datos, polo que se mantén a cifra de 258 positivos e de 51 aulas pechadas notificada o sábado. 

Galicia rexistra 228 novos positivos, pero descende o total de...
comentarios