O número de casos activos de coronavirus en Galicia ascende este xoves a 6.647, que son 113 máis que a xornada anterior (+1,7%), mentres que se contabilizaron outras 51 altas de pacientes, ata as 1.676. O balance diario contabiliza 498 falecementos.
Así se desprende dos datos actualizados este xoves pola Dirección Xeral de Saúde Pública, que indican que os pacientes na Uci descenderon a 92 --fronte aos 96 do mércores-- e os hospitalizados noutras unidades baixan a 568 --17 menos--. Outros 5.987 infectados permanecen en seguimento domiciliario.
Dos 6.647 casos activos na comunidade, 1.550 corresponden á área sanitaria da Coruña, 1.311 á de Ourense, 1.164 á de Vigo, 1.078 á de Santiago, 627 á de Lugo, 535 á de Pontevedra e 382 á de Ferrol.
O número de usuarios de residencias de persoas maiores en Galicia mortas tras contaxiarse experimentou un nuevo repunte, con 16 decesos contabilizados nas últimas horas, nove deles nos propios centros, para elevar a 226 a cifra total. Segundo os datos de Sanidade, o número de PCR realizadas ascende a 76.129.
