A cifra de contagios por coronavirus en Galicia segue á alza con 15 novos casos activos contabilizados nas últimas horas, o que eleva o total a 232, segundo os últimos datos facilitados polas autoridades sanitarias.
A evolución foi desigual nas diferentes áreas sanitarias galegas, pois nalgunhas soben os contagios e noutras baixan.
Entre as primeiras figuran as de Lugo, con 90 casos (cinco máis que o domingo); Ourense con sete (un máis); Vigo con 44 casos (nove máis); e Santiago con 16 (tres máis).
Na área de Vigo localizouse un novo foco con tres contagios, cuxo orixe está nunha fiscal dos xulgados da cidade que contraeu a enfermidade durante as súas vacacións, e que obrigou ao illamento dunha trintena de persoas da súa contorna.
En cambio, baixaron os positivos nas áreas sanitarias da Coruña, onde se contabilizan 58 casos (un menos); Pontevedra, con 18 (un menos); mentres que a de Ferrol segue libre de Covid-19.
Do total de pacientes positivos, un está en UCI, doce en unidades de hospitalización, un máis que no anterior reconto, e 220 no domicilio, quince máis.
Ata agora, en Galicia hai un total de 11.227 persoas curadas e rexistráronse 619 falecementos.
O número de probas PCR realizadas para detectar infección por coronavirus é de 244.127.