Galicia suma máis de 6.500 contagios e prolonga o pico da onda

Un test de detección del coronavirus. ARCHIVO
photo_camera Un test de detección del coronavirus. ARCHIVO

A comunidade notificou nas últimas 24 horas 6.616 novos contaxios por covid-19, case dous mil máis que o día anterior, polo que prolonga durante uns días polo menos o pico da sexta onda.

Con estes contaxios, a comunidade suma 75.961 casos activos, máis de dous mil sobre o día anterior, aínda que a incidencia acumulada tanto a 14 días como a 7 días baixa de forma notable nesta xornada, do mesmo xeito que no conxunto de España.

A sete días, o indicador avanzado, a incidencia cae en Galicia 110 puntos ata os 1.518, mentres que a media sitúase en 1.522, tras unha baixada de 137 puntos nas últimas horas, segundo o Ministerio de Sanidade, o que confirma a tendencia tras a baixada do fin de semana.

Ademais, a 14 días, a incidencia acumulada baixa por primeira vez en meses, aínda que de modo máis leve, ata os 3.426 puntos en Galicia, 38 menos; e na media do país alcanza os 3.306, 91 puntos menos.

Nos hospitais galegos a situación segue controlada, moi por baixo da media do país, cunha ocupación en Uci do 6 % fronte ao 23,6 do resto de España.

De todos os xeitos, nesta xornada hai un leve repunte nos hospitalizados en planta e tamén nas unidades de críticos, de modo que segundo o Servizo Galego de Saúde, ata as 18 horas do martes había 608 pacientes ingresados, seis máis; dos que 55 están na Uci (+2) e 553 en planta (+4).

Desde o inicio da pandemia contaxiáronse en Galicia 351.857 persoas, das que se curaron 273.086, e faleceron 2.858, dúas destas mortes notificadas nas últimas horas. 

Comentarios