martes. 04.08.2020 |
El tiempo
martes. 04.08.2020
El tiempo

Galicia vivirá este mércores outra xornada de calor

Unha muller toma o sol este martes en Lugo. XESÚS PONTE
Unha muller toma o sol este martes en Lugo. XESÚS PONTE
Os termómetros volverán roldar os 30 graos nas principais cidades galegas

Mapa coa previsión de MeteogaliciaAs altas temperaturas marcarán a xornada deste mércores en toda Galicia e os termómetros volverán roldar ou superar os 30 graos en moitas comarcas e en todas as principais cidades. No caso de Lugo, está previsto que o mercurio marque 28 graos nas horas máis calorosas do día, mentres que en Ourense alcanzaranse os 34, en Vigo 32 e en Pontevedra ou Santiago, 31 graos.

Toda Galicia continuará con influencia dun anticiclón, ao que se suma a entrada de aire cálido procedente de latitudes inferiores, de modo que o ceo estará despexado durante a mañá. Xa pola tarde espérase a aparición de nubes no sur da comunidade, que darán lugar a chuvascos tormentosos nalgúns puntos das provincias de Ourense e Pontevedra.

Segundo a información publicada por Meteogalicia, dependente da Consellería de Medio Ambiente, o vento soprará frouxo de compoñente este en xeral, con réxime de brisas nas Rías Baixas e forte do nordés entre Cabo Prioriño e Estaca de Bares. 

Galicia vivirá este mércores outra xornada de calor
comentarios