A Garda Civil anunciou este mércores a incautación de 1.137 quilogramos sardiñas capturadas e trasladadas de forma ilegal e a detención dunha muller que trasladaba dito cargamento nunha furgoneta na localidade de Portosín, en Porto do Son (A Coruña).
O Servizo Marítimo da Garda Civil, en colaboración co Servizo de Gardacostas da Xunta de Galicia, descubriu o cargamento tras dar o alto ao vehículo cando saía de Portosín e, ao proceder ao rexistro, descubriu o cargamento de sardiñas, cuxa captura está expresamente prohibida.
O cargamento de sardiñas, que podería alcanzar un valor aproximado de 13.000 euros, tamén carecía da documentación de trazabilidade esixida para o seu transporte e comercialización.
Os axentes procederon a levantar unha acta pola infracción da Lei 11/2008 de pesca de Galicia e abriron unha investigación da muller que transportaba o cargamento como presunta autora dun delito contra a flora e a fauna.
Todo o peixe intervido foi entregado ao Banco de Alimentos de Santiago de Compostela.
