jueves. 02.12.2021 |
El tiempo
jueves. 02.12.2021
El tiempo

Gonzalo Caballero promete 2.000 novas prazas públicas en residencias de maiores

Gonzalo Caballero e Inés Rey. CABALAR
Gonzalo Caballero e Inés Rey. CABALAR
O candidato do PSdeG á Xunta debuxa un plan a longo prazo para que a comunidade teña 10.000 máis en dez anos

O secretario xeral do PSdeG e candidato á Presidencia da Xunta, Gonzalo Caballero, comprometeuse a crear 2.000 novas prazas públicas en residencias de maiores na próxima lexislatura en Galicia, todas elas no marco dun plan que permita aumentar as existentes en 10.000 nun prazo de 10 anos. 

"Queremos gobernar Galicia para construír un escudo protector para a cidadanía galega ante unha crise económica de enorme calado", manifestou o líder do PSdeG este martes nun encontro mantido coa alcaldesa da Coruña, Inés Rei, na cidade herculina. 

Gonzalo Caballero subliñou o "compromiso claro" do Partido Socialista coas políticas sociais. "Un goberno progresista á fronte da Xunta manterá un compromiso cos servizos públicos que permita corrixir os erros do modelo privatizador da Xunta nas residencias por parte do Partido Popular ao longo destes 11 anos", sostivo. 

O candidato socialista, que volveu a pór en valor a xestión tanto do Goberno socialista da crise como dos concellos gobernados polo PSOE, como o da Coruña, sinalou que o PSdeG é a "garantía" para que o "escudo protector" chegue a todos os galegos. 

"Pedímoslle aos galegos que apoiaron ao Partido Socialista e o progreso ao longo das distintas eleccións de 2019 que se comprometan para abrir unha etapa de futuro en Galicia a partir do 12 de xullo", sinalou Caballero, que destacou que, nesa data, a comunidade galega "xógase se mantén as políticas de recortes e retrocesos ou se abre unha etapa de progreso liderada por PSdeG". 

Todo iso nun acto na Coruña no que destacou a xestión por parte da rexedora Inés Rey e no que sinalou que alí onde gobernan os socialistas son "a referencia da boa política social".

PRÓXIMO PRESIDENTE. Pola súa banda, a alcaldesa da Coruña, que se referiu a Gonzalo Caballero como o próximo presidente da Xunta, destacou o traballo "en primeira liña" feito polos concellos para atender as necesidades dos cidadáns. 

"Alí onde goberna o Partido Socialista contribúese ao benestar social, á igualdade de oportunidades e a que ninguén quede atrás", sostivo Inés Rei, que tamén puxo en valor as políticas postas en marcha polo Executivo estatal para facer fronte á crise sanitaria e económica provocada pola pandemia. Fronte a iso, censurou que na Xunta continúe un goberno que "nunca pensou nas políticas de benestar". "Durante os anos de goberno do PP o único que sufrimos foron recortes, retrocesos", manifestou Inés Rey, que considerou que a Xunta "non só non atende ás persoas senón que ademais fai deixamento de funcións" como, na súa opinión, ocorre co conflito de Alu Ibérica. 

"O único que lle interesa ao Partido Popular e a Feijóo son as eleccións, todas as súas intervencións van única e exclusivamente dirixidas a sacar réditos electorais para o Partido Popular, deixando de lado aos galegos e ás galegas", sinala. 

Gonzalo Caballero promete 2.000 novas prazas públicas en...
comentarios