Google remitiu a través da FBI os datos solicitados pola xuíza sobre o crime de Ana Enjamio, asasinada en decembro de 2016 en Vigo cando volvía dunha cea de empresa.
A FBI remitiu ao Xulgado de Violencia sobre a Muller de Vigo a información que requirira sobre a xeolocalización dos móbiles da vítima e de César Adrio, o suposto agresor. Trátase dunha información relevante para resolver o caso, xa que o teléfono da moza enxeñeira e a arma utilizada para matala nunha chegaron a aparecer.
Ana Enjamio, de 25 anos e natural de Boqueixón, foi acoitelada na madrugada do 17 de decembro no portal do edificio onde vivía na Avenida de Madrid, en Vigo. César Adrió traballaba na mesma empresa que a vítima, no Porriño, e ambos mantiveran unha breve relación sentimental á que Enjamio decidiu pór fin.
