Unha furgoneta chocou ao redor das cinco da tarde deste luns contra un camión que transportaba combustible na localidade coruñesa de Carral, na parroquia de Santo Estevo de Paleo, quedando atrapada na cabina a muller que conducía o primeiro vehículo.
O condutor do camión non resultou ferido nin perdeu a carga, con todo, a muller que conducía a furgoneta sufriu diversas feridas e tivo que ser excarcerada polos bombeiros de Arteixo.
