lunes. 19.10.2020 |
El tiempo
lunes. 19.10.2020
El tiempo

Un home mata o seu sobriño de tres anos nunha vivenda de Santiago

Membros da Policía Nacional na Rúa Loureiros. XOÁN REY (EFE)
Membros da Policía Nacional na Rúa Loureiros. XOÁN REY (EFE)
O presunto asasino puido tentar quitarse a vida despois do suceso, producido tras un brote psicótico

Un home de 39 anos estrangulou ata a morte o seu sobriño de tres anos este luns en Santiago de Compostela cando ambos se atopaban sós nun domicilio situado no centro histórico.

O presunto responsable dos feitos, que foi trasladado ao Hospital Clínico Universitario de Santiago (Chus) tras ser detido, asfixiou presuntamente ao pequeno, o menor de tres irmáns. Segundo declararon veciños da vítima consultados por AGN, o arrestado, identificado como Santiago Cepeda, tentou quitarse a vida en pleno brote psicótico e tras matar o pequeno.

O suceso rexistrouse ao fío das 20,00 horas deste luns no barrio de Santa Clara, nunha vivenda da rúa Loureiros.

A nai da vítima, moi popular na zona ao rexentar a popular Clínica de Podoloxía Cepeda –situada en pleno corazón do centro compostelán e moi próxima ao Ultramarinos Cepeda, o negocio familiar e un dos establecementos máis emblemáticos da Praza de Cervantes–, sufriu un shock tras decatarse dos feitos.

Nas inmediacións do inmoble onde se produciu o crime, despregouse un gran dispositivo policial que contou coa presenza da xuíza Ana López Suevos.

Será a autopsia a que determinará as circunstancias nas que morreu o menor e se, como transcendeu nun principio, a súa morte produciuse por asfixia.

Un home mata o seu sobriño de tres anos nunha vivenda de Santiago