Hospitalizada unha mariscadora tras sufrir unha caída nunhas rocas en Baiona

A muller foi trasladada en helicóptero ao Hospital Álvaro Cunqueiro
Rescate mariscadora. TWITTER.
photo_camera Rescate mariscadora. TWITTER.
Unha mariscadora tivo que ser trasladada de urxencia este luns ao Hospital Álvaro Cunqueiro tras sufrir unha caída nunha zona rochosa de Baiona.

O accidente tivo lugar na zona do rompeolas da estrada Baiona-A Guarda pouco logo das 9:30 desta mañá, momento en que un particular alertou ao 112 Galicia.

O 112 púxose contactou co servizo de Gardacostas de Galicia, que foi quen se fixo cargo do traslado da muller a bordo dun helicóptero.

Ademais, o Centro Integrado de Atención ás Urxencias mobilizou a Salvamento Marítimo, ao GES do Val Miñor, á Garda Civil e á Policía Local, e puxo en aviso, por se fose necesaria a súa intervención, aos Bombeiros do Baixo Miño e Vigo, e a Protección Civil do Val Miñor.
 

Comentarios