Ao redor dunha vintena de persoas permanecen illadas tras asistir a unha festa privada nun barco na ría de Vigo, unha das cales deu positivo por Covid-19, informaron fontes do Servizo Galego de Saúde. A todas estas persoas estáselles sometendo a probas de detección.
Con este caso e os outros seis confirmados no Porriño, a cifra de contaxios activos na área sanitaria de Vigo elevouse nas últimas horas ata os 27, segundo as últimas estatísticas actualizadas da Consellería de Sanidade.
