miércoles. 27.01.2021 |
El tiempo
miércoles. 27.01.2021
El tiempo

Un incendio provoca importantes danos nun serradoiro en Outes

Un camión de bombeiros. ARQUIVO
Un camión de bombeiros. ARQUIVO
A maquinaria das instalacións complicou a extinción

Un incendio rexistrado a primeira hora da mañá deste martes nun serradoiro de Outes obrigou a mobilizar os Bombeiros de Boiro e Ribeira, así como o grupo de emerxencias de Muros. Atendendo á información do 112, as chamas, que se iniciaron sobre as seis da mañá, foron apagadas pero causaron "importantes" danos materiais.

Aínda que a planta permanece en activo, ninguén resultou ferido a causa do lume. O 112 pediu a intervención do 061, pero, polo menos ata o momento, ninguén necesitou asistencia médica. Ademais, para apoiar a actuación dos bombeiros cunha achega de auga importante, tamén se solicitou a colaboración dos do distrito forestal da zona.

O operativo activouse logo de recibir na central do 112 de Galicia a chamada dun particular que aseguraba que estaban a tratar de sufocar o incendio con extintores, pero sen éxito. No serradoiro hai maquinaria e vehículos, ademais doutro material que dificulta a extinción. 

Un incendio provoca importantes danos nun serradoiro en Outes