O Xulgado de Instrución Número 1 de Vilalba incoou dilixencias previas para investigar a filtración de datos relacionados coa investigación para determinar as causas da morte dunha nena de sete anos en Muimenta, no municipio de Cospeito.
Segundo informa o Tribunal Superior de Xustiza de Galicia, "a publicación deses datos, que pode ter un impacto negativo na investigación" polo falecemento da menor, produciuse "estando a causa declarada secreta", situación na que aínda continúa.
A xuíza ordenou que se deduza testemuño destes feitos para a incoación dunhas dilixencias por un "presunto delito de revelación de segredos".