O subsector de Tráfico da Garda Civil de Ourense interceptou, con motivo do dispositivo realizado polo temporal de neve, a un condutor búlgaro duns 35 anos que se incorporou á A-52 en sentido contrario á circulación, supostamente por un descoido.
Segundo informou a Garda Civil de Tráfico, o camión articulado, con matrícula belga, foi interceptado no tramo comprendido entre a localidade ourensá da Gudiña e Lubián (Zamora) á altura do quilómetro 108, en sentido Benavente.
Unha vez detido o vehículo, o condutor manifestou que se despistou por mor da neve e que era de noite, aínda que a intervención da Garda Civil evitou unha situación de perigo dado que nese momento só habilitara un carril.
Segundo o protocolo preestablecido para estas situacións, a circulación estivo restrinxida temporalmente ao paso de vehículos pesados, os cales foron retirados da estrada para que as máquinas quitaneves puidesen limpar a calzada.
Concretamente na Autovía A-52 (Benavente- O Porriño) rexistráronse embolsamentos de camións dado o estado "impracticable" da calzada pare este tipo de vehículos, que tiveron que ser dirixidos ás áreas de servizo de diversas zonas da provincia ourensá.
