A dirección de Alcoa informou este xoves aos representantes sindicais de que hai dous potenciais investidores que presentaron unha oferta vinculante para as plantas de Avilés e A Coruña, asumindo a totalidade do persoal.
Segundo fontes do comité de empresa de Alcoa Avilés, un dos investidores sitúase por Avilés para industrializar a fábrica desde a fundición cara abaixo, descartando o arranque da electrolise.
Este mesmo investidor informou de que este venres visitará a planta da Coruña, xa que non ten descartado facer unha proposta vinculante para as dúas fábricas.
O outro investidor centra directamente a súa proposta nas dúas fábricas, arrincando as series de electrolise.
O Comité Europeo de Alcoa (Euroforum) mantivo unha reunión coa empresa onde se informou de todo este proceso de venda das plantas e, posteriormente, tivo lugar outro encontro coa Comisión de Seguimento do Ere.
Os representantes sindicais están convocados a unha nova reunión este venres, informan as mesmas fontes.
Os traballadores das dúas alumineiras recibirán en sendas asembleas todos os detalles dos proxectos que fixeron estes investidores.
