A Garda Civil investiga se se produciu un tiroteo a pasada madrugada nas inmediacións da vivenda dos Morones en Tomiño.
Un familiar de Sinaí Giménez, líder do clan, foi quen deu aviso ás forzas da orde ao redor das 3.00 horas. Non houbo feridos e, segundo o relato dos denunciantes, os atacantes déronse á fuga nun coche.
Esta denuncia prodúcese nun momento no que o conflito entre o clan dos Morones e o dos zamoranos se recrudeceu. Hai uns días produciuse outro tiroteo nunha pedida de man no Porriño polo que está a ser buscado un irmán de Sinaí Giménez.
