A Garda Civil abriu unha investigación para aclarar a causa da morte dunha muller afogada no río Miño no municipio de Salvaterra de Miño, cuxo corpo non presenta signos externos de violencia.
Así o explicaron a Europa Press fontes próximas á investigación, que indicaron que tratan de esclarecer se se tratou dun "accidente ou dun suicidio".
A persoa falecida, confirmaron as mesmas fontes, é unha muller de 40 anos de idade de nacionalidade brasileira e veciña do municipio de Salvaterra de Miño.
OPERATIVO. Efectivos dos servizos de urxencias recuperaron na noite deste mércores o corpo sen vida dunha muller que apareceu flotando no Río Miño no municipio pontevedrés de Salvaterra despois de que uns veciños avistasen á persoa semiafundida preto das piscinas municipais.
Por iso, púxose en marcha un operativo formado polas forzas da orde, equipos da Comandancia Naval e os Bombeiros de Ponteareas e Baixo Miño para localizar en primeira instancia e rescatar finalmente o cadáver da muller.
Sobre as 21.30 horas deste mércores sacaron o corpo do río e puxérono a disposición da autoridade xudicial. Tamén solicitaron asistencia médica para a familia da falecida.
