Ondas, vento, neve e choivas. Todos os elementos aliñaranse este xoves para deixar a Galicia sometida ás inclemencias que traerá a borrasca Cecilia.
No litoral haberá alerta vermella por ondas de máis de oito metros, segundo Meteogalicia, e en terra firme o aviso será amarelo por choiva e vento e laranxa por neve na Montaña lucense. Espéranse acumulacións de máis de 20 centímetros nalgúns puntos, o que levou a suspender as clases en 15 centros, con 789 alumnos afectados. A cota de neve situarase nos 700-800 metros.
⚠️ Suspensión clases na Montaña de Lugo
— Jose Manuel Balseiro (@BalseiroLugo) November 13, 2019
Mañá, xoves 14 de novembro, suspéndese a actividade lectiva ante a previsión de espesores de neve superiores a 20 centímetros.
A suspensión de clases afectará a 789 alumnas e alumnos de 15 centros da Montaña.https://t.co/NMJNt1Lheg pic.twitter.com/oWsSPtI9xv
O litoral galego quedará xa baixo aviso laranxa desde a madrugada deste xoves por vento de forza sete, que aumentará ata nivel 8 e ata 9, e mar combinada de ata oito metros. E desde primeira hora da mañá a alerta elevarase ao nivel vermello na Coruña e Pontevedra, con ventos de forza 8 e 9 e ondas de ata dez metros, segundo a Axencia Española de Meteoroloxía.
Meteogalicia, a diferenza da Aemet, tamén inclúe A Mariña lucense na alerta vermella, por ondas de máis de oito metros. A situación manterase ata final do xoves, cando o aviso rebaixarase de novo a laranxa.
#AEMETinforma📣
Aviso especial por #FMA. Temporal marítimo🌊 y fuertes nevadas🌨️. intensa circulación de norte sobre la Península que conducirá una masa de aire muy frío e inestable desde altas latitudes🥶🌬️❄️☃️
👉https://t.co/ZdJAPqayTW pic.twitter.com/yTss29bdTY— AEMET (@AEMET_Esp) November 13, 2019
.
Máis aló do litoral, en terra firme tamén imperarán varios avisos amarelos por refachos de vento e por choivas.DESBORDAMENTOS. Doce ríos de Galicia presentan risco de desbordarse. Segundo os datos facilitados polo 112, o aviso de posible crecida do caudal afecta os ríos Ouro, Covo, Landro, Eume, Mandeo, Xallas, Tambre, Ulla, Umia, Lérez, Verdugo, Oitavén e, dentro da Confederación Hidrográfica Miño-Sil, ao Ladra.
Por iso, o 112 Galicia recomenda, ante este aviso de posible crecida do caudal, abandonar calquera actividade que se realice en cursos fluviais porque pode sorprender a subida do nivel; así como retirar vehículos da marxe dos ríos e evitar atravesar pontes ou torrentes.
Avisos para mañá xoves:
— MeteoGalicia (@MeteoGalicia) November 13, 2019
🔴vermello: ondas superiores aos 8 m
⚠️laranxa: vento no mar, forza 8
⚠️laranxa: máis de 20 cm de neve montaña de Lugo
⚠️amarelo: refachos de vento nas 4 provincias
⚠️amarelo: chuvia en Coruña e Pontevedra
⚠️amarelo: máis de 5 cm de neve montaña de Ourense pic.twitter.com/qvsvVIHijp