Galicia rexistra un leve repunte no número de casos activos de coronavirus, que alcanzan os 19.589, logo dunha xornada con 2.085 novos contaxios, e tamén un lixeiro aumento de persoas hospitalizadas enfermas de covid-19, que chegan a 386, informa a Xunta.
En total hai 106 persoas máis contaxiadas que o martes, unha leve diferenza que, con todo, frea a caída de casos que Galicia viña experimentado unha vez superado o repunte causado pola celebración do Entroido.
Das persoas hospitalizadas, 26 áchanse en unidades de coidados intensivos (Uci), as mesmas que no anterior parte ofrecido polo Sergas.
Desde o inicio da epidemia hai dous anos, En Galicia contaxiáronse de coronavirus 523.698 persoas, das cales se recuperaron 501.002, e faleceron 3.162 persoas, cinco destas mortes comunicadas nas últimas horas.