Que o temor ao virus condicione a participación o 12 de xullo preocupa. De aí os máis de 130 coordinadores que tiveron formación para a adopción de medidas preventivas; as estritas desinfeccións, a recomendación do voto por correo e o reforzo da vixilancia co obxecto de evitar aglomeracións.
Garantir a protección de votantes e membros das mesas é clave para que a festa democrática transcorra con toda a seguridade posible.
O uso de máscara será obrigatorio no interior dos colexios electorais de toda Galicia. O Goberno autonómico xa estableceu un protocolo para estruturar as medidas de protección fronte ao coronavirus e evitar contagios na medida do posible.
Entre as normas acordadas pola Administración galega destaca a obrigatoriedade de levar máscara para os votantes e os membros das mesas electorais, ademais de desinfectar as mans con frecuencia, sobre todo antes de entregar o voto e mostrar o DNI.
O Goberno galego xa avanzou que facilitará o material de protección e produtos necesarios
O protocolo, que foi supervisado polo comité clínico que asesora á Xunta, inclúe tamén recomendacións varias para facer tanto da campaña electoral como da xornada de votación xornadas seguras e coas máximas garantías desde o punto de vista sanitario.
O Goberno galego xa avanzou que facilitará o material de protección e produtos necesarios, e recomendou o voto por correo, ademais de optar pola entrada preferente nos colexios dos votantes maiores de 65 anos e persoas con discapacidade. Nas cabinas non haberá cortinas esta vez.
A tea que cobre nariz e boca haberá de baixarse para a identificación. Deberá ser depositada nunha bandexa ou dispositivo similar. Os fluxos de entradas e saídas van ser custodiados. No caso de presidentes, vocais e interventores haberá distancia interpersoal, recambio de máscaras cada catro horas, pantallas e solucións hidroalcohólicas, cuxo uso se reforzará durante o escrutinio.
Un total de 130 representantes da Administración recibiron formación para coordinar e colaborar na adopción de medidas preventivas fronte á covid-19 durante a xornada electoral.
Galicia celebrará con este panorama o día 12 de xullo as súas eleccións autonómicas e os cidadáns acudirán ás urnas como nunca antes o fixeron
O traballo deste persoal será comprobar previamente que nos locais pódense cumprir as medidas do protocolo de prevención sanitaria, como as distancias de seguridade ou fluxos de circulación de persoas, e tamén farán comprobacións o propio día da votación mediante roldas de visitas para verificar que todo estea en orde.
Igualmente, máis de mil voluntarios de Protección Civil colaborarán na organización da xornada electoral do 12 de xullo en Galicia, supervisando, entre outras cousas, que se eviten aglomeracións e vixiando que se respecte a distancia de seguridade.
Galicia celebrará con este panorama o día 12 de xullo as súas eleccións autonómicas e os cidadáns acudirán ás urnas como nunca antes o fixeron, coa cara cuberta, salvo en casos contraindicados, e obrigados a extremar as medidas de seguridade por mor da crise sanitaria da Covid-19.
Será unha situación sen precedentes, inédita e chea de incerteza, como o é tamén o futuro máis inmediato ao que se enfronten a comunidade autónoma e o país no medio dunha crise sanitaria e económica imprevisible.
Pero antes da xornada de votación virá a campaña, que, do mesmo xeito que todo o proceso electoral, levará a cabo entre estritas medidas de desinfección e distanciamento
A participación nas xornadas electorais sempre resulta unha incógnita, pero máis o será o 12 de xullo, xa que a ninguén se lle escapa que nas actuais circunstancias pódese producir unha caída drástica do número de persoas que acudan aos colexios electorais a depositar o seu voto. O medo ao contaxio aínda está patente en moitos colectivos, principalmente nos de maior idade.
Pero antes da xornada de votación virá a campaña, que, do mesmo xeito que todo o proceso electoral, levará a cabo entre estritas medidas de desinfección e distanciamento, cos candidatos percorrendo a xeografía galega evitando na medida do posible o contacto físico e a entrega en man de folletos ou outros obxectos de propaganda electoral.
