lunes. 13.07.2020 |
El tiempo
lunes. 13.07.2020
El tiempo

Unha masa de aire cálido torra Galicia con valores por encima dos 30 graos

. PEPE FERRÍN
. PEPE FERRÍN
Ourense e Pontevedra rexistrarán hoxe 35 graos, practicamente igual que no sur da provincia de Lugo. O xoves, o día de máis calor

Logo dun fin de semana "caloroso, de pleno verán" en practicamente todo o país, este martes entra outra masa de aire cálido que torrará Galicia. Os efectos do potente anticiclón deixaranse sentir desde hoxe con temperaturas que alcanzarán os 35 graos en Ourense, Pontevedra e no sur da provincia de Lugo.

Os valores irán in crescendo co paso dos días, ata alcanzar o cénit o vindeiro xoves. Ademais de en Galicia, os termómetros tamén subirán nas comunidades do Mediterráneo.

Así, Galicia continuará este martes e ata o vindeiro luns, 1 de xuño, baixo o dominio das altas presións situadas ao sur de Irlanda, de forma que os ceos estarán despexados en xeral con presenza dalgunhas nubes baixas no litoral de Lugo pola mañá e nubes de evolución no sueste do territorio pola tarde. As temperaturas ascenderán lixeiramente, e o vento soprará do nordeste, forte na metade norte.

Galicia e as comunidades do Mediterráneo líbranse das tormentas e incluso granizadas que afectarán o resto da Península

Mentres no resto do país a tónica xeral ata mañá serán os chuvascos tormentosos acompañados de saraiba.

O cambio meteorolóxico débese a que a semana comeza cun "aumento da inestabilidade atmosférica", xa que, aínda que continúan as altas presións en superficie, a presenza de aire frío nas capas altas da atmosfera, favorecerá a formación de tormentas que poden ser fortes e en ocasións con saraiba de máis de 2 centímetros.

O portavoz precisou que as tormentas volverán afectar este martes á zona centro da Península, sobre todo aos sistemas Central e Ibérico, e nas áreas próximas das mesetas norte e sur.

Estas afectarán especialmente no sur e este de Castela e León, a Comunidade de Madrid, o norte e o leste de Castela A Mancha, Aragón e tamén no Pirineo de Lleida, onde serán as máis fortes e con granizadas severas pero non se descartan noutras zonas de ambas as mesetas. Con menor probabilidade, as tormentas tamén poden facer acto de presenza nas montañas Béticas do leste de Andalucía.

15 LITROS NUNHA HORA. Rubén do Campo, portavoz da Axencia Estatal de Meteoroloxía (Aemet), destacou que "en moitas destas zonas" as tormentas poden ser fortes e poderanse superar os quince litros por metro cadrado en menos dunha hora e tamén poderán estar acompañadas de saraiba, que en ocasións pode ser incluso superior a dous centímetros.

Unha masa de aire cálido torra Galicia con valores por encima dos...
comentarios