A Policía Nacional detivo en Vigo a catro menores, con idades comprendidas entre os 14 e os 17 anos, que agrediron a outro para roubarlle e que acabou no hospital, con diversos golpes e erosións e dúas pezas dentais rotas, informaron fontes oficiais.
A agresión produciuse a principios deste mes na rúa Tomiño, onde a vítima se cruzou con catro mozos que lle pediron diñeiro e esixíronlle que lles deixase ver o seu móbil.
Intentou escapar pero foi rodeado polos detidos, quen comezaron a golpealo ata que caeu ao chan, e entón un deles ameazouno cun cutter mentres lle esixían as súas pertenzas.
A partir dos datos facilitados pola vítima, a Policía traballou na identificación dos supostos agresores, inculpados noutros feitos delituosos anteriores, e cuxas detencións se produciron de forma simultánea en diferentes puntos da cidade.
As dilixencias foron remitidas á Fiscalía de Menores de Pontevedra.
