Unha muller faleceu este martes tras ser atropelada por un vehículo en Lalín. Segundo informa o 112, o accidente produciuse na PO-533, que une a capital dezana con Rodeiro, pouco despois das 16.00 horas
Ata o lugar desprazáronse efectivos sanitarios, da Garda Civil de Tráfico e de Protección Civil de Lalín. A pesar dos esforzos por reanimar á vítima, a muller faleceu no lugar.
#AXEGAInforma dunha muller falecida tras ser alcanzada por un vehículo na #PO533, en Lalín. Malia os esforzos do persoal sanitario, nada se puido facer por salvarlle a vida. Tamén interviñeron: @guardiacivil Tráfico e Protección Civil Lalín. pic.twitter.com/nb0GMQ2EoC
— 112Galicia (@112Galicia) December 1, 2020