Morre un octoxenario intoxicado tras inxerir cogomelos velenosos en Quintela de Leirado

A súa muller atópase ingresada, pero fóra de perigo

Un home faleceu por unha intoxicación tras inxerir cogomelos silvestres que recollera xunto á súa parella en Quintela de Leirado, en Ourense. A vítima, duns 80 anos, atopábase coa súa esposa no municipio pasando uns días.

Segundo as fontes consultadas por Europa Press, a parella adoitaba visitar e pasear pola localidade, onde entre outras actividades recollían cogomelos para consumo propio.  Ambos sufriron unha intoxicación tras inxerir os cogomelos que recolleron e foron trasladados ao Hospital Cosaga de Ourense, onde o home faleceu finalmente. 

A súa muller, con todo, permanece aínda ingresada no centro sanitario, aínda que está fóra de perigo. A vítima foi enterrada este mesmo xoves. 

Comentarios