Unha persoa faleceu este venres a última hora da tarde tras sufrir un accidente de tractor no municipio pontevedrés de Soutomaior.
Segundo informou a Central de Urxencias Sanitarias-061, o sinistro produciuse ás 21.07 horas. Ata o lugar desprazáronse o helicóptero do 061, unha ambulancia e persoal sanitario do PAC de Pontevedra. Os seus esforzos por salvarlle a vida foron insuficientes e a vítima faleceu no lugar do accidente.
