Un traballador de 61 anos faleceu este martes por esmagamento tras sufrir un accidente mentres manexaba un guindastre no porto de Marín.
Os sanitarios desprazados ata o lugar non puideron facer nada por salvarlle a vida. Tamén acudiron axentes da Garda Civil e da Policía Local para tratar esclarecer as causas do accidente mortal.
Por outra banda, este martes tamén perdeu a vida un traballador noutro sinistro laboral en Outes, no que ademais resultou ferida grave outra persoa. Ambos realizaban labores de mantemento nunha torre eléctrica. Foi mobilizado o helicóptero medicalizado do 061.#AXEGAInforma dun traballador falecido tras sufrir un accidente mentres manexaba un guindastre no peirao de #Marín. O equipo sanitario nada puido facer por salvarlle a vida. Ata o lugar acudiron axentes da @guardiacivil e Policía Local para aclarar as circunstancias do suceso. pic.twitter.com/hSesHH03k7
— 112Galicia (@112Galicia) November 3, 2020
#AXEGAInforma que un operario perdeu a vida e outro traballador resultou ferido de consideración ao caer dunha torre eléctrica mentres realizaban labores de mantemento en #Outes. O #112Galicia alertou aos servizos sanitarios que mobilizaron a un helicóptero medicalizado. (1/2) pic.twitter.com/BzEJgNPnNI
— 112Galicia (@112Galicia) November 3, 2020
Tamén acudiron ata o lugar efectivos do GES de Muros, axentes da Garda Civil, da Policía Local e membros de Protección Civil de Outes e de Mazaricos, ademais de representantes da empresa subministradora de electricidade.
