A morte de oito persoas eleva a 1.281 as vítimas da pandemia en Galicia

Urgencias de Montecelo. ADP
photo_camera Urgencias de Montecelo. ADP

O número de persoas falecidas con coronavirus en Galicia desde o inicio da pandemia elevouse este martes a 1.281, ao confirmar as autoridades sanitarias oito novas mortes. Catro destas últimas vítimas procedían de residencias de maiores. 

Segundo os datos facilitados pola Consellería de Sanidade, os falecidos son catro mulleres e catro homes. Todos eles presentaban patoloxías previas. 

Tres destes falecementos rexistráronse no Complexo Hospitalario Universitario de Pontevedra. Trátase dun home de 70 anos e de dúas mulleres de 81 e 97 anos, ambas as dúas procedentes da residencia de Vilaboa. 

Así mesmo, no Complexo Hospitalario Universitario de Ferrol morreu unha muller de 93 anos, mentres que en Santiago faleceron dosu homes de 74 e 93 anos. 

No Hospital Lucus Augusti morreu un home de 93 anos procedente da residencia Asilo de Vilalba e no Complexo Hospitalario Universitario de Ourense (CHUO) perdeu a vida unha muller de 80 anos usuaria da San Antonio de Beariz.

Comentarios