Unha muller morreu este xoves por a mañá ás 9.16 horas como consecuencia do choque entre unha motobomba municipal e un turismo que tivo lugar en Carballedo, en Cerdedo-Cotobade. O sinistro produciuse nas inmediacións da piscifactoría, no quilómetro 12 da PO-233, cando a motobomba municipal se desprazaba a arranxar danos ocasionados pola choiva da noite anterior.
O turismo incorporouse desde un viario lateral, ao parecer, sen realizar o Stop, polo que o choque impactou de cheo co lateral do mesmo.
Como consecuencia, unha muller que ocupaba o asento traseiro do turismo faleceu no acto. Trátase dunha octoxenaria, veciña de San Xurxo de Sacos que viaxaba co seu marido e a súa filla.
O alcalde, Jorge Cubela, lamentou este falecemento e aclarou que o condutor tamén está ferido pero non se teme pola súa vida. Á súa vez, o condutor da motobomba, resultou ileso.