Falece un veciño do Incio ao quedar atrapado por un apeiro de cortar leña

Os bombeiros de Sarria encargáronse de liberar á vítima, na parroquia da Cervela

Varios veciños, no lugar do accidente. VILA
photo_camera Varios veciños, no lugar do accidente. VILA

Un veciño do Incio de pouco máis de 40 anos de idade faleceu na tarde deste mércores na parroquia da Cervela cando se atopaba xunto á súa vivenda cortando leña cun apeiro enganchado ao tractor.

O accidente produciuse sobre as 16.30 horas no lugar de Airexe, ata o cal se desprazaron os bombeiros do parque comarcal de Sarria para liberar á vítima, que quedara atrapada.

Acudiu tamén un equipo do 061, que xa na puido facer por salvar a vida deste veciño, cuxo corpo foi trasladado para a práctica da autopsia, que confirmará as causas do falecemento.

A Garda Civil colaborou cos bombeiros e participou no operativo por este suceso, o cal causou un profundo pesar na zona.