A Consellería de Sanidade informou este sábado de que unha muller de 92 anos, que dera positivo na proba de coronavirus, faleceu no Hospital Povisa de Vigo. A paciente tiña patoloxía múltiple.
Sanidade indica que se trataba dun caso importado.
135 CASOS. A Dirección Xeral de Saúde Pública da Consellería de Sanidade da Xunta informa de que, na última actualización deste sábado, o número de casos confirmados de coronavirus en Galicia ascende a 135.
Do total de persoas diagnosticadas, 55 son da área da Coruña, 7 da de Lugo, 15 da de Ourense, 13 da de Pontevedra, 23 da área de Vigo, 17 da de Santiago, e 5 da de Ferrol.
Sete dos pacientes diagnosticados 7 permanecen en Uci, 27 están en unidades de hospitalización e 101 no domicilio.
Por outra banda, xa se rexistraron as tres primeiras altas de pacientes, no Complexo Hospitalario Universitario da Coruña.
Así mesmo, informa de que o total de probas PCR para a detección do virus realizadas polo Sergas é de 1.087.
