"Ou acaban cos recortes, ou dimite o presidente de Galicia. Esta é unha decisión moi meditada, non é unha broma", afirma o doutor Luis Emilio Batallán, quen desde a mañá do pasado luns atópase en folga de fame para protestar contra as políticas do presidente da Xunta, Alberto Núñez Feijóo, ao que acusa de ser un "un burócrata austericida sen alma".
O tamén famoso cantautor (compositor de clásicos como Quen poidera namorala) decidiu tomar esta decisión "radical e irreversible" mentres espera un fallo do Tribunal Supremo logo de cinco anos litigando para recuperar a praza de médico de familia no Centro de Saúde de Moraña que tivo que abandonar en 2013, cando a Xunta de Galicia obrigoulle a xubilarse, con 65 anos. "De momento aínda aguanto, pero o peor é que se durme moi mal, pola noite é bastante duro", afirma nunha sala de espera da sede do Colexio de Médicos de Pontevedra, onde descansa no seu sofá, só con auga, e pendente de revisións médicas debido a súa saúde.
A súa intención era continuar en activo ata os 70, pero a Administración non o autorizou, en virtude do decreto posto en marcha en 2013 pola Consellería de Sanidade para impedir as prórrogas que ata entón permitían aos profesionais sanitarios manterse en activo un lustro máis. "Non me podían xubilar ata os 70 porque son funcionario do Ministerio de Sanidade, pero fixérono igual", afirma.
En febreiro de 2014 a Xunta respondeu negativamente ao seu recurso e en novembro de 2015 o Tribunal Superior de Xustiza de Galicia (TSXG) tampouco lle deu a razón. Batallán afirma que esa sentenza estaba "manipulada", porque "despois soubemos que o presidente dese tribunal tiña cursos que pagaba a Xunta".
O Tribunal Supremo admitiu en xuño de 2016 un recurso de casación e desde febreiro de 2017 o caso está pendente de señalamiento para a súa votación e fallo. Tanto el como o seu avogado confían nunha sentenza positiva, como está a suceder noutras comunidades como Aragón ou Valencia, "onde lle están devolvendo as prazas aos médicos". Esperan que non se demore máis de dous meses.
En todo caso, Batallán González cumprirá os 70 anos a mediados de setembro, polo que, de ser estimado o seu recurso, só tería efectos económicos. é dicir, xa non podería volver exercer, pero a Administración debería reembolsarlle a diferenza entre o salario que cobraría estando en activo e a pensión de xubilación que percibe desde hai case cinco anos.
ERE ENCUBERTO. En todo caso, a pesar da súa situación particular, o médico e artista insiste en que decidiu iniciar unha folga de fame "por unha cuestión de dignidade, contra os recortes do señor Alberto Nuñez Feijóo na sanidade. Moitos médicos somos vítimas desa política, que tamén sofren, sobre todo, os pacientes, por criterios economicistas do presidente", dixo sen esquecer o recente falecemento dun paciente na PAC da Estrada.
"O que se fixo foi un ERE encuberto. Había médicos que gañaban máis cartos e cubríronse as súas prazas, non meu caso por unha persoa posta a dedo, sen oposición, con outros que cobran menos. O mesmo que fan na empresa privada, pero aquí hai un Estatuto da Función Pública e isto é ilegal".
Engade que aínda que o Supremo lle dé a razón, "o dano está feito", xa que a "lentitude" da Xustiza en España fai que leve máis de catro anos pleiteando.
O seu avogado explicou que o Sergas lle denegou a prórroga no servizo activo en 2013 "por considerar que a súa especialidade médica non era deficitaria, á vez que por decreto convocábanse 40 prazas de médico de familia, a única especialidade que requiría de forma urxente máis profesionais".
O motivo do recurso de casación admitido a trámite polo Supremo céntrase na vulneración do principio de reserva de lei establecido na Constitución para regular as cuestións que afecten o estatuto dos empregados públicos. Esta prodúcese ao pretender regular a prórroga "por unha simple orde da Consellería de Sanidade".
