A Garda Civil vén de neutralizar unha granada de man da Guerra Civil española achada en Silleda. Segundo informou o instituto armado, o artefacto foi localizado por un veciño do lugar de Outeiro cando estaba a realizar labores de limpeza nun dos galpóns anexos ao seu domicilio. A granada estaba oculta nun dos muros desta construción.
Especialistas do servizo de desactivación de explosivos da Garda Civil acudiron ao lugar e confirmaron que se trataba dun artefacto tipo "bóla de cama", que estaba en moi mal estado de conservación e coas súas propiedades explosivas intactas. Segundo os técnicos, era de fabricación polaca, residual da Guerra Civil española.
Tras recoller o artefacto, os membros do TEDAX procederon a neutralizar a súa carga explosiva.
