jueves. 22.10.2020 |
El tiempo
jueves. 22.10.2020
El tiempo

Nigrán conmemora esta fin de semana os incendios do 2017

Zona arrasada polo lume en Nigrán. AEP
Zona arrasada polo lume en Nigrán. AEP

'Arte no queimado' é unha iniciativa que busca que non se esqueza o desastre do outubro pasado

O Concello de Nigrán recordará esta fin de semana os incendios forestais do pasado 15 de outubro con diversas actividades na Alameda de San Campio da Ramallosa, a cargo da corrente artística Arte no queimado.

O promotor desta corrente, xurdida por mor dos incendios, Juan Coruxo, iniciou este venres xunto aos seus compañeiros Remigio Dávila e Rosendo González a talla de cinco de árbores secas.

Unha vintena de artistas tamén traballarán nesta alameda con material procedente da catástrofe.

Talleres infantís, pasarrúas ou a actuación do acordeonista de Priegue Roberto Comesaña, gañador dun Grammy en 2016, serán algunhas das actividades previstas para o domingo.

"Unha gran xornada lúdica e educativa na que buscamos non perder a memoria do ocorrido e concienciarnos todos do desastre absoluto que supoñen os incendios", asegurou o alcalde de Nigrán, Juan González.

A comunidade de montes de Camos e Chandebrito, a asociación veciñal O Castro de Chandebrito e Coruxo Arte, tamén participarán nesta iniciativa.

Nigrán conmemora esta fin de semana os incendios do 2017
comentarios