A formación Ourense en Común anunciou este martes a intención de solicitar a retirada da medalla de ouro concedida polo Concello en 1946 ao ditador Francisco Franco.
Nun comunicado, este grupo, facéndose eco do chamamento do colectivo Amigos da República, indicou que en cumprimento da Lei de Memoria Histórica pedirá na reunión plenaria prevista para o mes próximo a retirada desa distinción a Franco, porque "sumiu durante catro décadas a este país na máis terrible escuridade de represión, medo e morte".
O Concello concedeu en 1946 a medalla de ouro ao xeneral Franco, unha distinción que levou ademais o seu nomeamento como fillo adoptivo da cidade.
Ourense en Común cuestionou que o Concello leve décadas, tras a instauración da democracia, "sen retirar esta honra" ao antigo xefe de Estado.
A asociación Amigos da República reclamou a retirada desa distinción durante un acto de homenaxe aos republicanos represaliados na Guerra Civil celebrada a pasada fin de semana.
