Os medios antiincedios da Xunta traballaron este sábado nas labores de extinción de catro incendios forestais que afectan á provincia de Ourense nesta primeira fin de semana de setembro marcada polo tempo seco e o vento. O que máis superficie leva arrasada é un lume activo no concello da Mezquita que entrou desde Portugal no mediodía.
Leva 60 hectáreas queimadas, segundo as primeiras estimacións da Consellería do Medio Rural.
Os outros tres incendios están estabilizados. Dous deles afectan a montes do municipio de Vilariño de Conso. Comezaron na noite do venres, con tres focos diferentes cada un, o que é un indicio da súa intencionalidade. Nun deles arderon xa case 45 hectáreas e no outro, preto de 17.
Mentras, en Chandrexa de Queixa continuaron os traballos para sofocar un lume que arrasou 40 hectáreas.
